«Дублер күні»

Ж.Еділбаев атындағы №18 мектеп-гимназиясында 2024 жылдың 04-қазан Ұстаздар күніне орай «Дублер күні» іс-шарасы ұйымдастырылды. Дублер күнін өткізуге "МЕКТЕП ПАРЛАМЕНТІ" өзін-өзі басқару ұйымының фракция жетекшілері атсалысты. Ұстаздар мерекесінде ұстаздарымыздың орнына дублерлар сыныпта сабақтар, жиналыстар өткізді. Бұл күні білім алушылардың ұстазға деген құрметі мен сүйіспеншіліктерін арттыруға, еңбегін бағалауға және ұстаздық жолдың қиындығы мен қызықты сәтін оқушылар сезінді. Мектепте ерекше атмосфера орнады. Оқушылар осы күнді қызықты да, мазмұнды етіп көрсетуге тырысты. «Дублер күніне» жақсы дайындықпен атсалысқан 8 – 11 сынып оқушыларына рахмет айтамыз. Іс-шараны ұйымдастырған мектеп директорының тәрбие ісі жөніндегі орынбасарлары Тлеубеков Бексұлтан ағай, Оразгелдиева Нағима апай және ұйымдастырушы педагог Усенов Мадияр ағайға алғыс айтамыз.