25 мамыр күні өтетін бітіруші түлектерге арналған салтанатты іс-шара жайлы ата-аналарға хабарландыру
Құрметті ата-аналар мен бітіруші түлектер!
Мектебімізде 9–11 сынып ата-аналар жиналысы өтіп, онда мектеп директоры Кенжебаева Тоғжан Жаңбыршықызы 25 мамыр күні өтетін бітіруші түлектерге арналған салтанатты іс-шара жайлы ата-аналарға хабарлады.
Бұл күн – мектеп өміріндегі маңызды белес, жас түлектер үшін өмір жолындағы жаңа қадам. Сондықтан, ата-аналардың қатысуы бұл мерекенің мәнін арттыра түсетіні сөзсіз.
НАЗАР АУДАРЫҢЫЗ!
Мектепішілік тәртіпті сақтау және әділдік қағидаларын ұстану мақсатында төмендегі әрекеттерге қатаң тыйым салынады:
Аниматорлар, студиялар мен агенттіктерді шақыру;
Салтанатты дастархан жаю немесе кең көлемде той ұйымдастыру;
Жалдама автокөлікпен қала ішінде немесе ауыл аралап жүру;
4, 9, 11-сынып бітірушілерінен ақша жинау;
Мұғалімдер мен мектеп әкімшілігіне сыйлықтар беру.
Бұл шектеулер – сыбайлас жемқорлықтың алдын алу, педагогикалық этиканы сақтау және балалардың тең құқығын қамтамасыз ету мақсатында енгізілді.
Салтанатты іс-шара барлық бітірушілер үшін шынайы қуаныш пен жарқын естеліктерге толы сәт болсын!
Біз сіздердің түсіністік танытып, мектеп ұжымының бастамаларын қолдайтыныңызға сенеміз!
